千祈唔好誤會超收多嘅學校就係特別勁，純粹只係咁啱好多個阿媽嗰段時間生咗個細佬妹。
訊息只係話比大家知，超收多嘅學校，大抽獎學位正常會少咗。
其實今年15分有機會的起碼有18間。家長不應用機會率來作為選校的重要因素選校，早上岸只減少憂累，不代表適合。
2018年11月27日 星期二
46/48 觀塘網 小一選校 討論分享群組
46/48 觀塘網 小一選校 討論分享群組
背景：
由 46/48 升小 group (11/2015 WING YI) 及 17-18 46/48 小一 (7/2015 Vivian) 於 2/2016 由 Joe Chan 合併為46/48校網 A 班，其後再加開 B,C 班，本人亦被 Joe Chan 邀請同時成為三班之管理員。
由 46/48 升小 group (11/2015 WING YI) 及 17-18 46/48 小一 (7/2015 Vivian) 於 2/2016 由 Joe Chan 合併為46/48校網 A 班，其後再加開 B,C 班，本人亦被 Joe Chan 邀請同時成為三班之管理員。
目的：
希望在此谷的家長們，在這裡能分享到更多 *有價值* 的資訊，*學懂尋找* 正確資料的方法，凝聚正能量，對升小過程更清晰，減少升小壓力及憂慮， *避免一知半解及以訛傳訛*，從而為小朋友作出正確選擇，找到最合適的學校。大家一同愉快地渡過升小選校這個階段。
希望在此谷的家長們，在這裡能分享到更多 *有價值* 的資訊，*學懂尋找* 正確資料的方法，凝聚正能量，對升小過程更清晰，減少升小壓力及憂慮， *避免一知半解及以訛傳訛*，從而為小朋友作出正確選擇，找到最合適的學校。大家一同愉快地渡過升小選校這個階段。
規則：
1️⃣群組可能會進行記名/不記名統計，以提供對選校上有幫助之數據，為保護私隠，一般統計結果都不會顯示姓名，請盡力回應。
2️⃣家長不應利用群組進行商業活動。
3️⃣不應發表不恰當的言論，討論內容避免不良競爭、惡意比較、隔空吵架、避免敏感話題，大家互相尊重，以禮相待，正面回應，欣賞别人。
4️⃣群組絕對不是對抗學校的工具，本群組重視家校合作，相信如果家長認同學校理念，孩子學習可以有更好效果。溝通、對話、協作是重要的。
5️⃣互相分享，互相鼓勵，互相學習，凝聚正能量。
1️⃣群組可能會進行記名/不記名統計，以提供對選校上有幫助之數據，為保護私隠，一般統計結果都不會顯示姓名，請盡力回應。
2️⃣家長不應利用群組進行商業活動。
3️⃣不應發表不恰當的言論，討論內容避免不良競爭、惡意比較、隔空吵架、避免敏感話題，大家互相尊重，以禮相待，正面回應，欣賞别人。
4️⃣群組絕對不是對抗學校的工具，本群組重視家校合作，相信如果家長認同學校理念，孩子學習可以有更好效果。溝通、對話、協作是重要的。
5️⃣互相分享，互相鼓勵，互相學習，凝聚正能量。
群組歡迎新手家長加入。ABCDE班群組討論內容大致相同，谷友無須重複入群，好讓名額能夠留給有需要的新手家長，多謝合作😊😊😊。
如經驗老到家長有意積極回應，與新手分享及提供有用資訊，亦歡迎加入。
注意⚠：本人有先進監察系統👀，如發現重複入群又未有積極回應或提供有用資訊，將會受到勸退處分。
諗清楚，同意上述各項先好按以下連結加入群組：
2018年9月27日 星期四
木門對木門
木門對木門
就當幼稚園畢業都分三個組别，又當小學又分三個組别。
第一組學生，入學術型學校(一般升中有近40%以上 band 1)，相信不難適。但如果入第二、三組別學校，則有機會因課程大容易，無挑戰性，在無競爭無突破的情況下浪費了天賦。
第二組學生入第一組學校，相信一般會留守於中游位置。個别因發展先後的同學假以時日可能可以追及課程，但亦有同學可能太吃力而失去學習興趣。相信 第二組學生 入讀第二組别學校(近30%b1)會較為適合，學校程度配合，無須靠補習追趕課程，自己努力一點，應該可以保持較前名次，升讀第一組別中學。
第三組别同學，如勉強選擇第一組別學校或部份第二組別學校，後果可能會好嚴重，長期處於追趕課程的狀態，放棄玩樂時間，吃力温習亦未能取得理想成績，久而久之就會失去學習興趣，最多睇三個學期，如果保持級尾十而且無心機返學，就應該懸崖勒馬，於二年級下學期開始重新選校，四、五月開始寄信轉校。
當然個個小朋友發展快慢不同，有D小朋友今日好似第三組，過多一年半載或者會變第二組，再到小五、小六又可能變第一組，大家都唔會知。
不過我覺得如果今日係第三組，最好唔好揀D學術要求高嘅小學，有D學校如宣基二、九基樂，佢哋係伸延幼小銜接期，等埋發展慢少少嘅小朋友，到高小先一齊衝，一樣有機會成為b1學生，升讀心儀英中。
相反，如果一心諗住happy到尾嘅，就避免選這類(初小合皮，高小會飛)，好多人以為九基樂好happy，到小四就呱呱叫。
46/48 Simon
2018年9月25日 星期二
2018年9月24日 星期一
平兆、德兆、聖馬太
平兆、德兆、聖馬太三間係48升中成績最好，都是學術要求高的學校。如果小朋友能專心，喜歡學習，喜歡看書，不討厭做功課，我相信基本上都能適應。如果家長係會跟貼小朋友的測考默及功課，相信聖馬太會花家長最多時間及心力。
至於平、德兆，個人覺得德兆比較進取，對外比賽獎項亦較多，相對比較注重比賽名聲，之前聖公會小學奧數比賽德兆亦入三甲，有能力與拔箤、SPCC等名校一較高下。德兆教得深，不過無教快，考試亦比較深。小朋友的成績/成就亦會公佈，在校門口會公佈每班每科頭三名。
平兆則比較注重學業多於體藝比賽成績，升中b1 rate亦比較高，2014年約64% b1學生，以無聯係直屬中學嘅津校嚟計，全港應該無10間小學有咁好成績，校隊多在小四才加入，對成績好的同學亦比較低調，同學得校內獎或全班名次都不會公佈，只有學生自己知，就算你年年考級六至十名都唔會有人知。只有全年級頭五名因會上台領獎而被公開。在校外你亦都唔會知邊個係風紀同班長。
雙兆其實很多方面都差不多，我個人覺得平兆比較低調，適合比較純樸嘅小朋友，而德兆較為進取，適合鬥心比較強的小朋友。
我估以上都是適合一些學術型小朋友，學術水平中上丶能專注學習、而家長並非想要happy school如港同、救恩或宣基坪石那類，家長對小朋友有成績上的期望，並能配合學校跟進小朋友進度，進行家校合作，如果小朋友（及家長）能適應，無需靠補習追趕學校課程進度，相信小朋友不單根基打得好，而且升中派位亦可以有不錯的成績。
最緊要都係果句，小一選校，沒有最好的，要找最適合的。
46/48 Simon
2018年9月14日 星期五
（08）甲二三、乙二三
（08）甲二三、乙二三
//甲二、三是否要填//
1）基本上大熱一線填甲二、三係唔會中，可以填嚟當誠意分叩門用，留意真係大熱先好咁填。雖然甲二、三誠意有限，但總好過無，而且見過有學校叩門條件係要填過首三位。
2）填間入咗你唔會後悔的次熱或二線，記住甲部入咗，就唔會同你抽乙部。
3）如果你唔諗住叩門，可以留空。不過我覺得無留空嘅必要，填定到時叩又得唔叩又得。
4）有人話唔好填甲二、三，咁會快人一步抽乙一⋯⋯千萬唔好信，一定係等全部完成甲部先開始乙部，如果唔係，你諗下唔填甲部咪好著數。
//乙二、三填大熱當誠意分叩門用//
我覺得無必要，反而浪費了乙二、三個位。填得乙二，已經不是最愛，誠意分已經大打折扣，另外如果中乙二，都係叩1-1-1 加幾間心儀一線，浪費乙二、三個位，跌落去中三、四線，叩門分分鐘要叩一、二線共十幾二十間學校！
//甲一二三 。 乙一二三
仲有，唔好甲一二三 同 乙一二三填相同學校。甲二乙二填大熱，會浪費乙二個位。甲二乙二填冷門，入咗甲二無得抽乙一。
46/48 Simon
（04）46/48 有乜選擇
46/48 究竟有乜學校選擇
從學術要求程度可分三大類：
1）傳統學術進取形
學術程度和要求比較高，要求可以坐定定專心上課的，要預算約兩小時做功課，測考默要認真溫習。多數一線及想升呢的二線都屬於這類。留意很多傳統形學校都會加入活動教學嘅元素，不代表傳統就不能愉快學習。
2）傳統程度調適形
基本上都是傳統教學，但課程比較淺，學術要求低少少，功課量亦相對輕少少，小朋友的學習壓力亦低少少，雖然如此，但不一定是可以很輕鬆應付的。相對升中成績亦會差少少。部分二、三線都屬於這類。
3）新派愉快減壓形
主張快樂學習，不追求亮麗升中成績，學校多以關愛為主打，學習壓力相對比較細，部分更推行類似新派直資的愉快學習無測考政策。
正所謂百貨應百客，家家的孩子都不同，最緊要目標清晰，自行對號入座，切忌又要馬兒好，又要馬兒不吃草，家長千萬不要單單以*「名氣、口碑、升中成績、中奬機會」*作為選校重要依據。
選了學術型學校，反過來又經常埋怨學校測考默功課多，這樣孩子就會無所適從，難以適應。
之後發現如有錯配，必須及早處理，不要為了面子，輸了孩子，總有適合的，免得白白痛苦六年，影響日後成長及親子關係。
*選校還是適合最重要，要平衡社會的要求與子女的發展步伐，亦要協調子女的需要及家長的期望。*
46/48 Simon
2018年9月12日 星期三
大B 細B
大B 細B
十一月細B應否repeat K3 以考小一？
我覺得，十至十二月細B，如果沒有學習上的問題，基本上都不用刻意 repert。但為考直私，普遍來說大B又的確會有一點優勢。如果現在比我揀，我寧願玩多一年才讀K1。不過，知易行難！
如果跟到，我不會為考直私而repeat，對小朋友心理可能有壞影響。
如果跟唔到，repeat絕對有幫助，小朋友接收力和理解力都強了，升小適應也容易些，自信心也大些。
基本上如果係細B，可以的話，應該遲一年才入學，根本不用急，到小三大細B的分別才開始收窄，如果做細B，白白苦了起碼六年！試想想如果遲一年才入學，嗰六年小朋友會輕鬆幾多，理解力又好D，吸收力又好D，自信心又好D，各項表現都理想D。所以細B，越早轉做大B越好。根本就百利而無一害。
Handle到冇乜必要做大B，同意，但就係有個risk，要handle到，handle唔到點算，到時先諗就要考慮多好好嘢，到老師同你講跟唔到，已經好遲了，你到時仲頭痕！何不一早轉定做大B，百利而無一害，往後日子年年充滿自信。
如果說會浪費一年時間，不如說賺多一年愉快無憂的玩樂時間，同埋賺咗考到直私嘅機會，同埋賺咗可以一路維持到起碼小三嘅自信心。所以，如果可以，跟本就應該遲一年才返學，做大B跟本冇蝕底。
一早轉做b ,百利而無一害，賺咗嘅開心快樂時光，同埋賺咗考到直私嘅機會，同埋賺咗可以一路維持到起碼小三嘅自信心，我就覺得一啲都唔浪費。
46/48 Simon
2018年9月11日 星期二
（05）膚淺官津選校建議
（05）膚淺官津選校建議
膚淺官津選校建議（一）
學術程度頭中尾三分法
註：講明呢個係膚淺嘅方法，認真就緊係要睇＂小一選校三步曲＂、＂點先叫適合＂同＂選校心得＂，再作詳細配對。
選直私著重睇教學模式，選官津，都係無乜幾多唔同嘅教學模式選擇，唯有睇程度，同一套課程，有學校教得深D，有學校教得淺D，大約可以喺升中成績反映出嚟！某程度上，唔同嘅升中成績，都可以睇到少少唔同嘅教學模式。
首先估下自己小朋友在幼稚園班中算是頭、中定尾果批，再估下佢去到講求紀律嘅小學時，每天要坐定定聽書，做一小時功課，加少少溫習，到考試時佢又會係頭、中定尾果批。
覺得佢係頭果批嘅，大可嘗試選擇區內一線官津。覺得都係五五波或中間果批，就了解多D二線學校，記得二線唔代表輕鬆，二線有兩類，想上位的二線學校，可能對家長及小朋友的要求更甚於一線。中游份子仲可以考慮埋做一線中間果浸定二線頭果浸。
相信甚少家長會覺得自己小朋友係尾果批，但如果你真係意識到你的小朋友，在傳統學術學校上，追趕成績會比較吃力的，不妨多了解一些主打補底、關愛的三線學校。間間學校都有band 1學生，小學打好基礎，建立信心，假以時日，相信可以大器晚成。總好過勉強追趕一線學校的課程，打撃信心，對學習失去興趣，變成＂讀唔到書＂的一群。
膚淺官津選校建議（二）
之前的膚淺官津選校建議，主要以學術水平分頭中尾去選一二三線小學。今次介紹另一膚淺選校建議，以小朋友的程度和性格去配合學校之學術水平及要求。
同上次一樣，講明呢個係膚淺嘅方法，認真就緊係要睇＂小一選校三步曲＂、＂點先叫適合＂同＂選校心得＂，再作詳細配對。
某程度上，單從升中成績，已經可以推斷：
1）學校的學術程度，
2）教學模式，
3）學校對小朋友和家長之要求。
自我評估一下自己小朋友，學術程度及行為(操行)是否能滿足學校要求之水平而作出選擇。
第一類
學術程度和要求比較高，要求可以坐定定專心上課的，要預算約兩小時做功課，測考默要認真溫習。多數一線大熱及想升呢的二線都屬於這類。
覺得自己小朋友學術水平中上丶能專注學習、家長對小朋友有成績上的期望，並能配合學校跟進小朋友進度，無需靠補習追趕學校課程進度，可以此類學校為目標。
第二類
基本上都是傳統教學，但課程可能教得比較淺，學術要求低少少，功課量亦相對輕少少，小朋友的學習壓力亦低少少，雖然如此，但不一定是可以很輕鬆應付的，每天功課都可能要用上約一小時多。而相對升中成績亦可能會差少少。部分二、三線都屬於這類。
如果覺得小朋友都係五五波或中間果批，考慮與其做一線尾果浸不如做二線頭果浸；或家長又未必有時間跟帖子女功課，可能可以退一步海濶天空，成功保持二線b1優勢，升讀心儀中學。
第三類
主張快樂學習，不追求亮麗升中成績，學校多以關愛為主打，學習壓力相對比較細，部分更推行類似新派直資的愉快學習無測考政策。通常此類學校，不會標榜學業成績，反以小朋友欣賞自己之長處出發，行行出狀元，建立小朋友的信心及價值。
如小朋友屬於學術中丶下游，又希望有快樂童年，唔想有壓力追趕課程進度；又或家長期望關愛為主，少功課為妙，對學業成績無要求；又比如說小朋友極度活躍，不能專注坐定，未能適應傳統學與教模式；咁可能可以多了解此類學校。
選好學校，自行、甲一、乙一，從一而終，減少煩惱。最後最緊要都係果句，小一選校，沒有最好的，要找最適合的。
46/48 Simon
2018年4月17日 星期二
（10）叩門計劃
（10）叩門計劃
放榜前做好預備，免得到時慌張，**藥石亂投**。
門不一定要叩，但人望高處，水向低流係人之常情。個人覺得，叩門大致可分三類：
1）中乙一，叩甲一、神津，五間以內夠了。
2）中保險二線，叩心儀、大熱，可能五至十間。
3）所派不似預期，盡叩！（最苦的，最不能自控的，心力交瘁）
叩門你有壓力，我有壓力，大人細路都有壓力，不宜叩得太多，適可而止，量力而為。
現在先定好目標學校列表（強烈建議**就近上學**為主要考慮因素）。放榜前留意心儀學校叩門程序及要求。
放榜後記得先**接受事實**，避免在小朋友面前作出負面反應及評語，嘗試找出所派學校的優點，然後才目標為本地按計劃進行叩門，避免到時驚惶失措，手忙腳亂。
同時亦記得要調整心態，塞翁失馬，焉知非福，可能上天已經把最適合的安排給你了，再唔係，插小二亦未嘗不可。
46/48 Simon
2018年3月21日 星期三
2018年3月16日 星期五
(00) 進擎の升小
農曆新年過後，又係 K2 家長正式進入「進擎の升小」選擇之路，在未來一年半的歲月裡，為小朋友及你的人生增添不少姿彩。
提醒各位 K2 家長，農曆新年過後，好多直資/私小嘅資訊會充斥市場，最好先了解自己想要啲乜，了解下個制度，不要盲目跟風，為小朋友及家長們圖添壓力。
小一選校第一篇
直資／私小之路
46/48 Simon
2018年2月6日 星期二
46選校新詩 2018/19 小一
46選校新詩 2018/19 小一
四十六網十一間，
四間大熱好易揀。
進取九基填乙二，
慈敬乙三會麻煩。
坪天聖約翰梁省，
要爭學位無咁難。
宣基坪石堅樂二，
最後今年校歸還。
46/48 Simon
2018年2月2日 星期五
48選校新詩 2018/19 小一
48選校新詩 2018/19 小一
七熱乙一走唔甩，
借位五熱都難得。
秀明安當加愛德，
牛顯月法及堅一，
仲有宜安聖若翰，
要穏都係放乙一。
乙二可以填D乜，
牛官陳呂勉強得。
樂天秀天同九基，
上年乙三有說不。
基樂佑華聖約翰，
乙四乙五保守級。
最後唔好唔記得，
坪石雲泉梁省德，
楊閩九年雙妹嘜，
自己排序點都得。
46/48 Simon
2018年2月1日 星期四
（08）觀塘網 (46/48) 填表指南 2018/19
（08）觀塘網(46/48)填表指南 2018/19
明天交表了，但呢兩日在FB發現大量自殺式或半自殺式填表😓。
其實大抽獎中大熱，必然係中甲一或乙一，中嘅原因只有一個，就係好彩，絕無技巧。
填表指南，主要都係想幫助家長填表，甲一乙一之後，盡量利用「有效排位」，避免做出自殺式填表，絕對唔會幫到你必中甲一乙一，只係希望當唔中甲一乙一嘅時候，唔好飛到咁遠。
在此再次提提大家：將大熱門學校填於乙一至乙三，如果乙一唔中，骨牌效應之下，會派得很不理想。應選一間大熱做甲乙一，其餘要放棄。可放甲二三當叩門誠意。
祝各位一擊即中！
(08) 46網 填表指南 2018
http://kt-primaryschoolnet.blogspot.com/…/01/08-46-2018.html
(08) 48網 填表指南 2018
http://kt-primaryschoolnet.blogspot.com/…/01/08-48-2018.html
至於點揀甲一或乙一，請參閱（01）小一選校三步曲。
2018年1月30日 星期二
（09）＂谷＂的迷思
（09）＂谷＂的迷思
揀間谷定唔谷嘅學校好呢？
（一）首先何謂谷？
（二）區內大熱一線，係唔係好谷？
（三）46／48 邊間唔＂谷＂？
（四）人哋話果間唔谷，就適合你小朋友嗎？
------------------------
＂谷＂的迷思（一／四）
首先何謂谷？
一般解讀：
- 測考默多，範圍廣。
- 功課多，抄寫多，思考多，操練多。
- 教得深，教得快。
- 補充練習多。
- 教淺考深。
- 對成績要求高。
- 要求父母多了解，多参與，多跟進。
*記住，有學術要求，並不代表不能愉快學習，小朋友愉唔愉快，其實好睇家長。*
學校谷定唔名谷，其實都是相對的，小朋友承受到的，會覺得唔算太谷，小朋友追得辛苦、吃力的，可能就是不太適合了。
*不過要留意，很多時谷的不是學校，而是家長！* 當小朋友的成績令家長覺得丟臉或未能為家長添上光釆時，家長催谷就好可能不其然地發生。
學期評估會番兜，有計平時分，無公布名次，每班每科都有學科奬，這些都會令家長長時間有壓力，不自覺地谷小朋友的。
家長要清醒配合，才不會掉進自谷陷阱。
選到合程度嘅學校，配合到小朋友學習嘅步伐，返學就好似私補一樣，跟著你進度去學與教，小朋友學習如魚得水；如果需要依賴補習去追上學校進度，其實已經不太健康，小朋友休息及娛樂時間亦減少了，事倍功半。如果補助後仍大落後，好可能已經是錯配了。都係果句，沒有最好，只有最適合。
------------------------
＂谷＂的迷思（二／四）
區內大熱一線，係唔係好谷？
谷定唔谷，有時都好個人同睇家長點睇，例如測考評估無名次，只有學期每科每班頭三獎勵，有些家長會覺得輕鬆，唔谷，但另一角度睇，就係無名次，小朋友又無攞獎，唔知級中位置，唔知banding，家長唯有分分皆辛苦，一分都不能少，唯有無止境的自谷。如果再加上有計平時分，真係全年處於作戰狀態，壓力不少，唔覺得谷才怪！
又例如功課多，每日十幾樣，普遍都會覺得多，加理自己買嘅補充練習，加埋預習、溫書，再加埋補習同興趣班，真係瞓都唔夠，莫說有得玩！但有些家長，又會覺得用個半至兩小時完成果十幾樣功課，已經等如每天溫了習，不用自加補充，不用再溫習，放學後還可參加興趣班，做完功課吃飯，飯後就自由時間，十幾樣功課，配合得好，一D都唔覺谷。
所以谷定唔谷，除咗學校，其實都好睇小朋友程度、能力和時間安排，同埋家長對小朋友的期望。
------------------------
＂谷＂的迷思（三／四）
46／48 邊間唔＂谷＂
要從一般官津，找一間唔＂谷＂的開心學校，其實好似真係有D難度，好彩46/48起碼仲有SK2同慈敬，佢地行新派直資果套，小一無測考，不過，如果小朋友能力及程度配合，間間都可以係你想的理想學校。
如果以幾間大熱一線計，個人覺得聖馬太對家長投入需求相對比較大，要求家長跟進小朋友學習進度的時間可能比較多；德兆課程比較深，同學間的比較亦加添少許壓力；藍循測考範圍大，多計平時分，令小朋友全學期備戰，一分都不能少；平兆則出名功課不少。
最容易令人誤會，我覺得就係油基顯同油基法，好多人都話油基顯同油基法無聖馬太同雙兆咁＂谷＂，不過如果覺得聖馬太同雙兆係＂谷＂，千萬不要以為油基顯同油基法係唔＂谷＂！更加唔好將油顯油法嘅＂輕鬆＂去同宣基二慈敬果D去比。好多例子，就係同期望嘅落差太大，造成錯配。
好多人話想揀二線，冇咁＂谷＂！
其實部分想上位的二線，對小朋友的學術要求都不少，可能比四大熱門更甚，學校想有更好的升中成績，設精英班，有時可能未顧及小朋友的能力及程度地教深教快，再配合機械式操練，都會令小朋友及家長覺得被催谷，當然這樣對提升升中成績會有一定的效果，所以較為注重升中成績嘅：愛德華、聖安當、秀明、陳呂等，其實未必係可以好輕鬆應付。
除SK2、慈敬同堅二外，我估都有仲幾間三線不太追求升中成績，相信九龍灣基樂的初小是其中之一，其餘的三線，都應該係以關愛、補底為主打，相對壓力應該少一點。
因應小朋友的程度、能力與及家長的期望，找適合的學校，作出合適的配對，我相信＂谷＂的問題自然迎刃而解。小一選校，沒有最好，只有最適合，祝大家找到心儀而又適合的小學。
------------------------------
＂谷＂的迷思（四／四）
經常聽到家長評論邊間學校谷（但好多時講嘅都唔係當校家長！)，邊間冇咁谷！點解大熱一線就一定好谷？二線就係無咁谷？人哋話果間唔谷，就適合你小朋友嗎？
我覺得程度和能力不及，無論在一線定二線，就間間都會覺得谷。選到合程度嘅學校，配合到小朋友學習嘅步伐，相信可以避免咗＂谷＂嘅問題。
谷定唔谷，除咗學校，其實都好睇小朋友程度、能力和時間安排，同埋家長對小朋友的期望。
家長們，與其研究邊間學校谷定唔谷，不如先了解自己小朋友的程度和能力，是否適合該校的程度和教學模式。適合的配對，相信就沒有所謂谷與唔谷。
*不過要留意，很多時谷的不是學校，而是家長！*
都係果句，沒有最好，只有最適合。
2018年1月25日 星期四
（10）1-1-1 的統計
想提醒各位家長，1-1-1 唔係有用定無用，而係如果心儀，就應該以 1-1-1 選校。選校係選合適，唔係用機會率，所以其實 1-1-1 不應該太阻礙大家的抉擇。
多年都有1-1-1不入個案：
4804 平兆
4805 德兆
4819 馬太
4813 藍循
4811 油法
4812 油顯
4801 官秀
呢一兩年才有資格要求 1-1-1叩門 的新丁：
4807 48翰
4810 牛顯
4815 愛德
4818 秀明
4822 安當
4817 堅樂
4603 佐聖
4604 呂才
1-1-1 才收表
4813 藍循
1-1-1 會加分
4804 平兆
4805 德兆
4811 油法
4812 油顯
1-1-1 都未必見
4801 官秀
1-1-1 沒有任何要求
4819 馬太
4822 安當
4604 呂才
以上統計，絕對有例外的個別情況出現，例如他區叩門。
（10）1-1-1 的迷思（二）
(10) 1-1-1 的迷思（二）
//是否大部分學校真是看成績，多於看誠意1-1-1？//
不要小看1-1-1的威力
雖然只收1-1-1叩門的，48就只有藍循，但其他學校1-1-1會加分亦相信係事實，除非你真係覺得自己小朋友非常之出類拔萃，能人所不能，否則不要看輕1-1-1的威力，依家個個小朋友都咁叻，當兩個差不多的小朋友，學校一定揀1-1-1果個，避免遇到騎牛搵馬的學生，因此而增加學校行政工作。
叩門大熱學校，成功的相信九成係1-1-1，剩低果幾個，相信一係識飛，一係識人！如果你1-1-1果間唔得，叩其他熱門一線相信機會都相對較微，除非面試表現突然真係超哂班或有神秘武器－人際網絡。
//1-1-1 係唔係一定有得面見？//
實例話比你知，呢個世界無包生仔，學校唔見你又如何。
//0-0-0 一定無機？//
咁又唔一定，就算藍循，有時都會聽到唔係1-1-1，甚至0-0-0有得見，但要知道，人地點解無1-1-1。
學校一般都會比機會區外叩門，1-1-0就充份顯示誠意，但有些因自行時已經保險地選擇了有高分學校而又中了，或一些註冊了直資因而沒機會抽奬的，相信學校也可能是因應制度而體諒家長，而給予這些0-0-0的家長一個機會。
所以我覺得，要避免慘烈式叩門，先要從填表開始計劃，其次千其唔好諗住自己小朋友夠叻，覺得叩門只講實力而無視1-1-1的威力。
(08) 48網 填表指南 2018
(08) 48網 填表指南 2018
48 網：
1-1-1 （自行、甲一、乙一）：最心儀之學校
乙二：最近而乙二有位之學校。
多年48七熱（平兆、德兆、馬太、藍循、油顯、油法、官秀）乙二唔會有位。
上年聖若翰天主教、牛基顯、秀明、愛德華、聖安當、堅樂乙二都無位，月基法好大機會都係一樣無位。
即係 48 網 23 間學校，以上無位再減三間一般人都唔會填乙二嘅，就只有 6 間填，留意當中觀官、陳呂乙二可能有機會唔中。
乙二就從 6 間之中填最近果間。(觀官、陳呂、樂天、秀天、樂基樂、佑華)
乙三：極進取可以試樂天及秀天，機會不大。樂基樂及佑華希望乙三仍然可以但亦絶不可放於乙五之後。
46網11間學校，部份乙三可能還會有位：
相信呂明才、佐聖天乙一已經派曬。
乙二柏德、慈敬、九聖天亦未必可以。
乙三九基樂已經甚進取，迦密梁省德、坪石天主教、聖公會聖約翰相信仍可以考慮。
乙五之後：雲泉、閩僑、楊仲明，加埋46網的宣基(坪石) 、堅樂第二，排個自己喜歡的次序。
46/48 Simon
(08) 46網 填表指南 2018
(08) 46網 填表指南 2018
乙一之選：
佐聖天，呂才，柏德，九聖天
乙二：
九基樂（進取）
乙三：慈敬有機會失敗。
乙四、五：梁省德，坪天，聖公會聖約翰(留意，將會有新校舍，可能突然加熱)
乙乜都得，大把位：宣基(坪石)、堅樂第二。
46/48 Simon
46/48 Simon
2018年1月24日 星期三
（08）甲二三、乙二三
（08）甲二三、乙二三
//甲二、三是否要填//
1）基本上大熱一線填甲二、三係唔會中，可以填嚟當誠意分叩門用，留意真係大熱先好咁填。雖然甲二、三誠意有限，但總好過無，而且見過有學校叩門條件係要填過首三位。
2）填間入咗你唔會後悔的次熱或二線，記住甲部入咗，就唔會同你抽乙部。
3）如果你唔諗住叩門，可以留空。不過我覺得無留空嘅必要，填定到時叩又得唔叩又得。
4）有人話唔好填甲二、三，咁會快人一步抽乙一⋯⋯千萬唔好信，一定係等全部完成甲部先開始乙部，如果唔係，你諗下唔填甲部咪好著數。
//乙二、三填大熱當誠意分叩門用//
我覺得無必要，反而浪費了乙二、三個位。填得乙二，已經不是最愛，誠意分已經大打折扣，另外如果中乙二，都係叩1-1-1 加幾間心儀一線，浪費乙二、三個位，跌落去中三、四線，叩門分分鐘要叩一、二線共十幾二十間學校！
//甲一二三 。 乙一二三
仲有，唔好甲一二三 同 乙一二三填相同學校。甲二乙二填大熱，會浪費乙二個位。甲二乙二填冷門，入咗甲二無得抽乙一。
46/48 Simon
訂閱：
文章 (Atom)