（22）對開心學校的看法

對開心學校的看法

首先，小朋友小學生活是否開心快樂，我覺得好大程度係取決於家長嘅心態、期望同要求。

我覺得 happy school 都可以分幾種：

私小，如啟思：學費超貴

直資，如真道：一定有聯繫直屬龍校直上

官津，一般三線：不可要求有亮麗升中成績

共通點，學校對升中沒有太大壓力。

無可否認，零壓力的開心學校，沒有默書少功課，設下毫無壓力的校內評估，禁止師長權威的教導及不準用於秩序控制的嚴厲指令與訓斥，相信對所有小朋友來說都是愉快的，但是又有幾多小朋友能在這環境下，擁有良好自我管理能力，自律自主學習，獨立思考，保持良好學習動機，去迎戰如洪水猛獸的dse考試。

*小朋友的開心，快樂可以是來自無壓力的愉快學習，也可以是來自從挑戰中獲得的成功感。*

而且對一些＂讀書好材料＂而言，開心學校反而可能埋沒了他們本身特有的才華，令他們出現目標真空，欠缺競爭和進取之心，剝削他們獲取成功與滿足感的機會。

其實要愉快學習可以有很多方法，早年流行說的活動教學已可以令學習的時候充滿趣味，又有機會讓小朋友在測考默及功課中得到肯定的滿足感及成功感，小朋友都可以好愉快。

每間學校都有人讀得開心、輕鬆，每間學校都有同學有壓力， 甚至靠補習追趕學校課程進度，呢樣除咗同小朋友本身資質有關外，我會覺得同所選學校是否適合有很大關係。

早前亦有學者提出，盲從愉快學習，有機會會埋沒學生潛能。小一選校，不可自視過高，但也不可妄自菲薄，必需多與小朋友溝通，了解小朋友的能力，適時調節自己及對子女的期望。所以小一選校，沒有最好的，只有最適合的。

46/48 Simon

46/48 School Links

46 網

4601 佛教慈敬學校 http://www.bckps.edu.hk/

4602 迦密梁省德學校 http://www.clst.edu.hk/

4603 佐敦谷聖若瑟天主教小學 http://www.jvsj.edu.hk/

4604 浸信宣道會呂明才小學 http://www.lmc.edu.hk/

4605 坪石天主教小學 http://www.psec.edu.hk/

4606 天主教柏德學校 http://bpcs.edu.hk/

4606 聖公會九龍灣基樂小學 http://www.kbkeilok.edu.hk/

4606 九龍灣聖若翰天主教小學 http://www.kbsjb.edu.hk/

xxxx 基督教宣道會宣基小學 (坪石) http://www.sk2.edu.hk/

xxxx 基督教聖約教會堅樂第二小學 http://www.hg2ps.edu.hk/

48 網

4801 觀塘官立小學（秀明道）http://www.ktgps-smr.edu.hk/

4802 觀塘官立小學 http://www.ktgps.edu.hk/

4803 香港道教聯合會雲泉學校 http://www.hktawts.edu.hk/

4804 聖公會李兆強小學 http://www.skhlsk.edu.hk/

4805 聖公會德田李兆強小學 http://www.skhttlsk.edu.hk/

4806 閩僑小學 http://www.mkaps.edu.hk/

4807 聖若翰天主教小學 http://www.sjbcps.edu.hk/

4808 樂善堂楊仲明學校 http://www.ycmps.edu.hk/

4809 聖公會基樂小學 https://www.skhklps.edu.hk/

4810 聖公會基顯小學 http://www.skhkeihin.edu.hk/

4811 中華基督教會基法小學（油塘）http://www.kfps.edu.hk/

4812 聖公會油塘基顯小學 http://www.skhykh.edu.hk/

4813 藍田循道衛理小學 http://www.ltmps.edu.hk/

4814 香港道教聯合會圓玄學院陳呂重德紀念學校 http://www.clcts.edu.hk/

4815 聖愛德華天主教小學 http://www.stedward.edu.hk/

4816 樂華天主教小學 http://www.lwcps.edu.hk/

4817 基督教聖約教會堅樂小學 http://www.hgps.edu.hk/

4818 秀明小學 http://www.saumingps.edu.hk/

4819 路德會聖馬太學校（秀茂坪）http://www.smssmp.edu.hk/

4820 秀茂坪天主教小學 http://www.smpcps.edu.hk/

4821 中華基督教會基法小學 http://www.kfp.edu.hk/

4822 聖安當小學 http://www.saps.edu.hk/

4823 天主教佑華小學 http://www.oloccps.edu.hk/

4824 聖公會聖約翰曾肇添小學 http://www.skhsjtst.edu.hk/

直資 福建中學附屬學校 http://www.fssas.edu.hk/

私立 聖若瑟英文小學 http://www.sjacps.edu.hk/

46/48 Simon

（09）活動教學

（09）活動教學

46/48網之中，差不多間間官津都係傳統教學加活動教學元素。

其實現今好多學校都有用活動教學嘅完素授課，爭在有幾多同幾有趣味。例如平兆嘅基地教學同德兆嘅SimCity都非常活動，亦十分有成效。油基顯、油基法嘅合作學習法都係活動教學。藍循有戲劇教育、藝術教育，聽個名都知道活動。

不過要留意，差不多所有官津，包括有活動教學元素嘅學校，都有需要小朋友坐定定嘅時間，而且唔會短！

46/48 Simon

（07）自行選校

自行選校點揀好

就快要填表自行選校，揀定心水未？開始多D留意下小朋友屬於邊類型，適合乜野學校。不過講真，官津嚟計，都無乜大唔同嘅教學模式比你揀！

填自行要諗乜？最基本當然首先係睇適唔適合小朋友，學校點先叫適合之前詳細講咗，最重要係：

1）以小朋友性格、能力、興趣去配合學校嘅程度和教學模式；

2）及家長是否認同學校理念，學校又是否符合家長嘅期望；

3）再考慮升中成績、遠近、設施、經濟、校風等其他因素。

今次主要講填表策略。當諗緊嘅幾間學校都叫適合，咁又點揀呢？

相信主要都係考慮呢幾個情況：

1）有間區外最鐘意

2）有間區內最鐘意

3）有間最大機會/最高分

4）又要預備1-1-1叩門

1）區外最鐘意

隨非你有25分（有D學校25分都危危地），如果唔係都真係要考慮清楚，因為自行揀咗跨區而又唔中，就無得1-1-1叩門。同埋就算中，要跨區返學，真係要諗清楚。

**不要少看這1-1-1的威力，相信大熱七校中，成功叩門的十個有七個都是1-1-1的。餘下的三個，可能都是有秘密武器的⋯⋯識飛或者識人。**

2）區內最鐘意

自選填區內最鐘意係最正路，由其是你只有15分，填邊間大熱都無大機會，不如一心一意選最心儀的做1-1-1就好了。

3）最大機會/最高分（但不是最鐘意）

呢個情況最煩，有20分或以上，但又唔係自己最鐘意，又或者得15分，係咪求其搵間校齡淺+無宗教嘅搏一搏，希望一鳥在手，勝過百鳥在林，中咗再叩最愛都易D？

a）一鳥在手，再叩最愛

呢個要諗清楚，第一，中咗再叩最愛，首先會無咗1-1-1，係咪咁易叩到？第二，唔中咁點先，又無咗1-1-1去叩最愛，能入讀最愛嘅機會又細咗！

b）放棄最愛

不過，如果呢間大機會／高分嘅學校，你唔係咁討厭，入到後就算叩唔到最愛都唔緊要嘅，我都會建議填呢間，中就讀，唔中1-1-1叩得番呢間機會都大少少。至於最愛⋯⋯就當有緣無份吧！

c）唔要高chance，非最愛不選

當然，人各有志，如果你對志愛非君不嫁，又覺得自己運氣不差，又覺得自己小朋友能以一敵百，大可放棄必中二奶嘅機會。

4）預備1-1-1叩門

千萬不要為叩門機會，掉轉唔選心儀學校，如果你心儀聖安當，但係愛德華話要1-1-1叩門而聖安當唔洗，咁你會唔會揀愛德華唔揀聖安多呢？所以根本不用比較那間要1-1-1，那間不用。

我覺得是否需要1-1-1叩門不是選校考慮因素，而當選定心儀學校，就應該以1-1-1去填表，以增加中選機會。

46/48 Simon

（10）叩門 ~ 應該於自行填表前已計劃好 1-1-1 的選擇

（10）叩門 ~ 應該於自行填表前已計劃好 1-1-1 的選擇

好多家長對自己小朋友充滿信心，都會咁計劃：

諗住如果運氣不好，自行唔得，抽獎唔中，預咗都會靠實力去叩門。

咁諗其實都好正常，不過話比你知，叩門都不是只看實力，運氣及誠意都非常重要，而且，有實力的也多的是。

會唔會考慮下，當填選自行/統一時，就應該計劃一下，避免令自己處於一個超級下風位，更加千其唔好諗住自己小朋友夠叻，無視1-1-1的威力。

要知道開心叩門同沈重壓力下叩門，是差天共地的，試想想：

（中乙二，叩1-1-1 加幾間心儀一線）vs 

（中三、四線，叩一、二線共十幾二十間）

叩門，肯定不是一件輕鬆愉快及容易的事，由其是當你的派位遠超越你的想像時，當中的苦，實非筆墨所能形容。

//是否大部分學校真是看成績，多於看誠意1-1-1？//

不要小看1-1-1的威力

雖然講到明只收1-1-1叩門的，48就只有藍循，但其他學校1-1-1會加分亦相信係事實，除非你真係覺得自己小朋友非常之出類拔萃，能人所不能，否則不要看輕1-1-1的威力，依家個個小朋友都咁叻，當有兩個差不多的小朋友，學校一定揀1-1-1果個，避免遇到騎牛搵馬的學生，因此而增加學校行政工作。

叩門大熱官津，我覺得成績超哂班都未必一定好有優勢，學校評測學術水平好可能只去到一個點，你懂得再深的都可能無用武之地。

叩門大熱學校，成功的相信九成係1-1-1，剩低果幾個，相信一係識飛，一係識人！如果你1-1-1果間唔得，叩其他熱門一線相信機會都相對較微，除非面試表現突然真係超哂班或有神秘武器－人際網絡。

//0-0-0 一定無機？//

咁又唔一定，就算藍循，有時都會聽到唔係1-1-1，甚至0-0-0有得見，但要知道，人地點解無1-1-1。

學校一般都會比機會區外叩門，1-1-0就充份顯示誠意，但有些因自行時已經保險地選擇了有高分學校而又中了，或一些註冊了直資因而沒機會抽奬的，相信學校也可能是因應制度而體諒家長，而給予這些0-0-0的家長一個機會。

所以我覺得，要避免惨烈式叩門，先要從填表開始計劃，其次千其唔好諗住自己小朋友夠叻，覺得叩門只講實力而無視1-1-1的威力，而 1-1-1 都係留比自己真心真意嘅首選比較恰當。

46/48 Simon

（00）一堆非常普遍的問題

（00）對一個陌生校名的一堆非常普遍的問題

1）呢間學校好唔好？

2）係唔係 band 1?

3）15分有幾大機會？係咪無希望？

4）叩門洗唔洗1-1-1？

5）多唔多功課？

6）係唔係好谷？

7）係唔係活動教學？

8）老師有沒有愛心？

9）算唔算happy school？

10）邊間二線無咁谷？升中又ok？

11）邊間係一、二、三線學校？

家長聽到一個學校名，唔多認識，想了解多d，會問D乜呢？

家長對一個陌生學校名字最普遍的問題：

1）呢間學校好唔好？

點先叫好，適合就是好。

點先叫適合，睇《小一選校三步曲》、《點先叫適合》、《選校心得》。

2）係唔係 band 1?

學校無banding，學生才有banding。

《Band 1／一線／大熱》  

3）15分有幾大機會？係咪無希望？

46/48 15分仲可以有很多選擇，而且我相信適合比機會更重要。《得15分有乜選擇》

4）叩門洗唔洗1-1-1？

心儀的就放1-1-1，以增加中選機會。不是因為叩門要1-1-1才把她放1-1-1。

《自行選校》《叩門》

5）多唔多功課？

點計先？一般官津，預兩小時啦。

《功課量》

6）係唔係好谷？

點先叫谷，谷係咪就唔好，就辛苦，就唔愉快？我會覺得，適合嘅就唔會有所謂＂谷＂嘅問題，谷唔谷好多時同家長有關！

*記住，有學術要求，並不代表不能愉快學習，小朋友愉唔愉快，其實好睇家長。*

《谷的迷思(一)(二)(三)》

7）係唔係活動教學？

相信差不多每間學校都有活動教學的元素。

8）老師有沒有愛心？

有邊間學校嘅老師係出哂名無愛心？！當然唔好預計小學老師會同幼稚園老師一樣咁。

9）算唔算happy school？

首先，小朋友小學生活是否開心快樂，我覺得好大程度係取決於家長嘅心態、期望同要求。

官津嘅happy school，一般唔着重升中成績嘅都應該算係。而最接近新派直私果種happy嘅應該係宣基二，慈敬，堅樂二，不過都要留意，peer group 背景可能同直私果D都幾唔同。係咪happy有時又同家長 *期望* 有關。《對開心學校的看法》  

10）邊間二線無咁谷？升中又ok？

                     *無*

不過如果升中ok係講緊升b2都ok，咁就有好多選擇，視乎家長嘅 *期望* 係乜。

11）邊間係一、二、三線學校？

咁先要介定點分一、二、三線。

《Band 1／一線／大熱》

我比較喜歡我分的三類和九組。

《個人宏觀分類》《膚淺官津選校建議》

溫馨提示：

奉勸各位家長小一選校時，不要一開始選校就糾結於以上問題，因為事實上是沒有最好的學校，以上問題只會令你無限loop，來來回回，永遠選不到最適合的學校。*當清楚自己的需要時，很多問題自然迎刃而解*。

（00）小一選校第一篇

（00）小一選校第一篇

小一選校，通常都係聽到有人問間學校好唔好，點為之好？最簡單：

*「學校名氣、口碑、升中成績、中奬機會」*

雖然呢D係要考慮，但唔係行先。

我覺得最重要係 「適合」：

1）小朋友性格、能力、興趣是否適合學校嘅程度和教學模式，

2）家長是否認同學校理念，學校又是否符合家長嘅期望。

*選校還是適合最重要，要平衡社會的要求與子女的發展步伐，亦要協調子女的需要及家長的期望。*

沒有最好的學校，只有最適合的學校。

所以第一步應該先了解小一選校三步曲

1）認識制度

2）認識學校

3）認識子女

如果你覺得學校嘅程度、教學模式、學校理念都符合或相近，就可以再考慮升中成績、遠近、設施、經濟、校風等其他因素。特別一提係學校距離同交通不容忽視。

有時對學校的感受人人不同，要自己去感受才可，當你細心了解、認識、考慮的時候，因應小朋友的特質與及家長的期望，作出合適的配對，最適合及最心儀的學校就會出現。我相信每所學校都應該會有其獨特之處，不同的小朋友入讀不同的學校應該會有不同的效果，當 The One 出現了，如何根據機會去抉擇就容易得多。

祝各位覓得心儀小學，一擊即中。

46/48 Simon

20170216