（07）自行填表：申請人與住址證明

（07）自行填表：申請人與住址證明

01）邊個填表做申請人？呀爸、呀媽、呀爺婆婆定監護人？

填表簽名人應該揀係：最有時間及最方便去處理升小選校的爸爸/媽媽，包括交自行表，往學校註冊，到統一派位中心填統一表，到統一派位中心取派位結果、到所派學校註冊及可能有需要到edb辨理其他手續。

02）如果申請人無住址證明咁點？

如申請人與住址證明枱頭不同：

提供填表人與住址證明人的**關係證明**即可。

如填表人為小朋友之媽媽，住址證明為嫲嫲，則需額外附上小朋友爸爸的出世紙，陣穩的再加小朋友爸媽的結婚證書。

如果真係乜都冇，亦可以到民政事務處宣誓。

03）認可住址證明

已蓋釐印租約﹑差餉單﹑公屋租約﹑水﹑電﹑煤氣費單﹑住宅電話收費單。

edb / chsc 網站曾經寫過 寬頻收費單 都得，不過依家條link唔work，check 唔番！

不受認可證明：

銀行信件﹑法庭傳票﹑稅單﹑立法會投票通知書。

04）幾時要交住址證明

不論你自行所報學校屬於邊區，自行報名時你已經需要提交住址證明，決定你統一大抽獎時屬於邊一個校網，**大抽獎時不需填寫地址亦不會要求住址證明**。

如果報自行之後搬屋，**需要自己走去edb改地址**，edb無設deadline，傳聞最好三月前，因如果太遲，抽唔到奬，edb係只會派有剩餘學位嘅學校比你。

46/48 Simon