（00）小一選校秘笈（三/三）

小一選校秘笈（三/三）

當考慮諗嘅幾間學校都叫適合，唔同分數，唔同機會，咁又點揀好呢？

相信主要都係考慮：

1）有間區外最鐘意

2）有間區內最鐘意（但又唔高分）

3）有間最大機會/最高分（但又唔係最心儀）

4）又要預備1-1-1叩門

1）區外最鐘意

隨非你有25分（有D學校25分都危危地），如果唔係都真係要考慮清楚，因為自行一揀咗，就無得1-1-1叩門。同埋跨區返學，真係要諗清楚。

**不要少看這1-1-1的威力，相信大熱七校中，成功叩門的十個有七個都是1-1-1的。餘下的三個，可能都是有秘密武器的⋯⋯識飛或者識人。**

2）區內最鐘意

自行填區內最鐘意係最正路，由其是你只有15分，填邊間大熱都無大機會，不如一心一意選最心儀的做1-1-1就好了。

3）最大機會/最高分（但不是最鐘意）

呢個情況最煩，有20分或以上，但又唔係自己最鐘意；又或者得15分，係咪求其搵間校齡淺+無宗教嘅搏一搏，希望一鳥在手，勝過百鳥在林，中咗再叩最愛都易D？

a）一鳥在手，再叩最愛

呢個要諗清楚，第一，中咗再叩最愛，首先會無咗1-1-1，係咪咁易叩到？第二，唔中咁點先，又無咗1-1-1去叩最愛，能入讀最愛嘅機會又細咗！

b）放棄最愛

不過，如果呢隻鳥（間大機會／高分嘅學校），你唔係咁討厭，入到後就算叩唔到最愛都唔緊要嘅，我都會建議填呢間，中就讀，唔中1-1-1叩得番呢間機會都大少少。至於最愛⋯⋯就當有緣無份吧！

c）唔要高chance，非最愛不選

當然，人各有志，如果你對志愛非君不嫁，又覺得自己運氣不差，又覺得自己小朋友能以一敵百，大可放棄高分有機果間。

4）預備1-1-1叩門

千萬不要為叩門機會，掉轉唔選心儀學校，如果你心儀聖安當，但係愛德華話要1-1-1叩門而聖安當唔洗，咁你會唔會揀愛德華唔揀聖安多呢？所以根本不用比較那間要1-1-1，那間不用。

我覺得是否需要1-1-1叩門不是選校考慮因素，而當選定心儀學校，就應該以1-1-1去填表，以增加中選機會。

小一選校，不可自視過高，不一定要去所謂band 1學校，但也不可妄自菲薄，未必個個小朋友適合讀happy school，必需多與小朋友溝通，了解小朋友的能力，*適時調節自己及對子女的期望*。

因應小朋友的特質與及家長的期望，找適合的學校，作出合適的配對，我相信每所學校都應該會有其獨特之處，不同的小朋友入讀不同的學校應該會有不同的效果。小一選校，沒有最好，只有最適合，祝大家找到心儀而又適合的小學。

46/48 Simon