（09）功課量

功課量

好多家長鐘意問學校功課多唔多！有D仲話open day 係都要主任清淸楚楚講個實數！玩咩，功課班班唔同，日日唔同，叫人點答你！

其實點先算多？點先算少？件數計？時間計？思考功課、抄寫功課同親子功課又唔同，專心上堂嘅又做得快D，天資聰敏嘅又覺得易做D！家長跟，做快D；補習社功課輔導班跟，可能仲hea住做幾個鐘！

不過我覺得，一般官津，no pain no gain，從升中數字大約可以估計到學校對學術上嘅要求，一般40%以上b1學生嘅學校，相信其實都差不多，佢地嘅功課量絕對不能同一般happy有龍直資相比。**估計基本中英數每科一至兩項再加改正，再加上常識及其他科目，普遍起碼都有6至8項，甚至10項，平均每項十分鐘，約花一至兩個小時完成。**未能專心做功課的小朋友，可能用上更長的時間。

想揾約一小時或以下就做完功課嘅官津，可能要搵D冷門或三、四線小學。

而上到高小，好多初小 happy 少功課的都會進入另一階段，功課量提升，小朋友可能一時間未能適應，而家長可能又會瓜瓜叫。

46/48 Simon