人人都話好係咪就係好呢?名校係咪就一定好呢?開心學校又係咪一定適合所有小朋友呢?
又有無諗將來點樣配合學校去跟小朋友D功課呢?如果小朋友跟唔掂學校進度又點呢?又或者學校大開心,令小朋友太懶散,無哂鬥心,終日無所事事,又點搞呢?
點先為之適合自己小朋友呢?
作為父母應該是最了解自己的小朋友,什麼是最適合,相信只有父母最清楚。做父母的,多與子女 *溝通*,了解子女的能力,真心為小朋友考慮他們的需要,緊記要適時調節對子女的*期望*。
*選校考慮因素有好多,最重要係:
1)小朋友性格、能力、興趣是否適合學校嘅程度和教學模式,
2)家長是否認同學校理念,學校又是否符合家長嘅期望。
當學校程度、教學模式、學校理念相若,就可以再考慮升中成績、遠近、設施、經濟、校風等其他因素。*
先了解自己小朋友類型:
- 學術水平(上丶中丶下游)
- 性格(活躍、好動、坐唔定、文靜、專注、受控)
- 學習能力(自律、懂得自學、多角度思考、受教、服從)
- 低學業壓力感到愉快/從挑戰成功感到愉快
- 興趣
- 有無ADHD特徵
- 社交、行為、情緒發展
- 強丶弱項
問問自己想要什麼:
- 對小朋友期望(出類拔萃/品學兼優/勤學立品/快樂童年)
- 對學校期望(注重成績/德育/關愛/嚴厲/因才施教/有教無類/拔尖/補底/少功課)
配合學校的程度、教學模式及理念:
- 傳統學術形/快樂形(不追求分數、名次、升中成績)
- 是否無壓力愉快學習?
- 如何推行活動教學?
- 功課量
- 測考默次數及範圍
- 課程有否教快?
- 平時分所佔比例
- 分班方法(精英班/普教中班)
- 日常需求家長參與程度
- 如何拔尖補底
- 公佈班名次/級名次/科名次?
- 大班/小班
- 返/放學時間
- 每天節數
- 小息、午饍時間
- 每日有功課堂?
- 課室編排:傳統/分組
- 校內獎勵(學業/體藝/操行)
- 主科課本出版社
- 體藝發展、要求
- 對TSA之取態
- 如何推行生命教育/公民教育
再考慮選擇學校的其他因素:
- 升中成績(Band 1 rate)
- 校風如何
- 學校位置/交通需時/校車服務
- 經濟負擔
- 午饍安排
- 小一輔導/適應安排
- 課外活動、興趣班、校隊
- 校舍環境、設施
- 家教會
- 家長教師溝通渠道
- SEN支援
- NET/駐校社工/語言治療師
停一停 • 諗一諗
根據以上條件,選擇適合的,勿忘初衷,對小孩的第一個願望只是健康快樂地成長。小一選校,不可自視過高,不一定要入到所謂的band 1學校,但也不可妄自菲薄,不是個個小朋友都適合happy school,適時調節對子女的 *期望*,多與子女 *溝通*,了解子女的能力,天生你才,相信每個小朋友都有其個人之處,亦相信每間學校都有其獨特之處,配合得宜,小朋友學習如魚得水。
每間學校都有人讀得開心、輕鬆,每間學校都有同學有壓力, 甚至靠補習追趕學校課程進度,呢樣除咗同小朋友本身資質有關外,我會覺得同所選學校是否適合有很大關係。
沒有最好的學校,只有最適合的學校。
46/48 Simon
沒有留言:
張貼留言